Зошто е важно да ставате масло во салатата

Антиоксидантите, ликопенот и бета каротенот се мошне важни за здравјето на организмот, еве како најдобро ќе се искористат од храната

Познато е дека мастите му помагаат на организмот да искористи одделни витамини. Сега се знае дека го олеснуваат искористувањето на другите за животот и здравјето важни хранливи материи.

Некои витамини се растворливи во масти (се викаат липосолубилни): А, Д, Е и К. Други се растворливи во водахидросолубилни, како што Ц и витамините од Б групата. Првите се искористуваат од храната ако во неа има маснотија. Неодамнешните истражувања покажале дека малку маснотија во салатата, кое било масло кое обично го ставаме, помага во искористувањето на за животот важни хранливи материи како што се антиоксидантите, ликопенот и бета каротенот.

 

Мастите се неопходни и за искористување на витаминот Д3. Педесет доброволци, кои учествувале во истражувањето, секое утро добивале витамин Д3 за време на појадокот.

 

За појадок имало две менија. Едната група добивала белковини, вода, тост и сок од брусница. Појадокот на другата група содржел мононезаситени масни киселини (маслиново масло) и полинезаситени масни киселини (пченкарно масло). За ручек и ужина добивале слична комбинација на белковини, јаглени хидрати и маснотии како за појадок. Во текот на денот им биле правени тестови на крвта. Групата која за појадок консумирала 32 отсто маснотии повеќе имала повисоко ниво на витамин Д3, без оглед на типот на маснотија.

Маснотиите не ја потпомагаат ресорпцијата на сите материи важни за здравјето. На пример, калциумот не е растворлив во масти, па тие не се важни за неговото искористување. Мастите го стимулираат излачувањето на жолчката, што го олеснува нивното варење и ресорпцијата на витамините растворливи во нив. Калциумот подобро се ресорбира од одделна храна, но за тоа не е потребна маснотија. На пример, многу подобро се искористува од млечните производи со помал процент на маснотија отколку од масните.