Повеќето од нас, точно знаат кога е време за кафе, кога за ручек, кога за туширање, но и кога е време за во тоалет. Но, за разлика од претходните навики кои без последици може да се одложат, прескокнувањето на нуждата може да остави последици.
Одењето во тоалет е природен процес на чистење на организмот и токму поради тоа никако не смее да се одложува. Тоа посебно се однесува на извршувањето голема нужда.
Кога е најдобро време за извршување голема нужда?
За повеќето луѓе, најдобро и најздраво време за одење во тоалет е наутро. Имено, во текот на ноќта нашиот дигестивен систен ја разградува храната која сме ја изеле во текот на претходниот ден, а која наутро, кога ќе се разбудиме, е подготвена за излегување од телото.
Колку пати неделно треба да се извршува голема нужда?
Одењето во тоалет за едни е нормална и рутинска работа, додека на други им претставува проблем. Иако утринското празнење на цревата е најздраво за организмот, оние кои тоа не го прават не мора да бидат загрижени.
Прим. д-р Марино Кварантан, специјалист интернист објаснува дека за вообичаено се смета извршување на голема нужда еднаш или неколку пати дневно.
Но, ако тоа го правите секој втор или трет ден, не мора да се загрижувате, се додека не чувствувате физичка непријатност. Доколку почувствувате симптоми како надуеност и грчеви и тежина во стомакот, треба да побарате стручен совет.
Кој е најголем проблем при извршувањето на голема нужда?
Проблемите со дигестијата може да се јават кога ќе ја пореметите дневната рутина на одење во тоалет. Во моментите кога немате време или можност за извршување на нужда, па затоа одложувате, телото кое ви испратило јасен сигнал дека е посготвено за празнење на цревата, влегува во состојба на своевиден мал шок, објаснува д-р Кварантан и додава дека одложувањето на одењето во тоалет може да доведе и до бројни нуспојави како надуеност, гасови, грчеви, па дури и запек.
