Често слушаме дека студеното време е добро за здравјето, но знаете ли кои се точно бенефициите кои телото и умот ги имаат од ниските температури? Ви откриваме неколку придобивки од студеното време.
Имаме повеќе енергија
Сакате да пукате од енергија? Шетањето по студеното време ќе ве исполни со енергија, која ќе ве држи со часови откако ќе се вратите во својот дом. За да постигнете ваков ефек, не мора да бидете предолго надвор, доволни се и 15 минути – па затоа практикувајте брзо одење.
Подобар сон
Луѓето кои страдаат од несоница имаат повисока телесна температура, па спиењето во не многу затоплена просторија,на температура од 16 до 20 степени ќе им овозможат подобар сон на оние кои страдаат од несоница, но и на сите други.
Студеното време поттикнува согорување калории
Кафеавото масно ткиво произведува топлина и согорува маснотии, а кај бебето тоа служи за регулирање на телесната температура. Кај возрасните кафеавото масно ткиво е присутно во многу мали количини.
Мозокот работи подобро
Докажано е дека при високи температури луѓето ретко донесуваат важни одлуки. Топлото време побрзо ги исцрпува резервите на глукоза, а бидејќи глукозата делува и во менталните процеси, нејзиниот недостаток влијае на способноста за донесување одлуки.
Совршени температури за трчање
На ниски температури трчањето е полесно и попријатно. Трчењето на топло време го исцрпува телото. Истражувањата докажале дека во зима трчаме побрзо, што значи дека за пократко врме може да согориме повеќе калории.
Студеното време ги намалува воспаленијата и инфекциите
Воспалението на мускулите се ублажува со облоги од мраз. Истото влијание го има и ниската температура на воздухот. Престојот надвор не прави поотпорни. Тоа е затоа што бројот на клетките кои се борат против инфекциите се зголемуваат при престојот на студ.
