Новиот бран рестриктивни мерки ја зафати Европа. Германија и Франција воведоа поблага варијанта на целосен карантин, а голем број земји забрануваат домашни дружења, а во угостителските објекти се ограничува работното време.
Новиот коронавирус од темел го промени светот кој го познававме од пред помалку од една година, сознанијата за вирусот се менуваат, но она првото останува, а тоа е дека вирусот се шири преку воздух, особено во затворени и непроветрени простори.
Главна улога во трансмисијата имаат аеросолите – ситни честички кои ги издишува заразеното лице и кои се задржуваат во затворен простор кој не се проветрува и со тек на време стануваат се погусти и позаразни.
Маски, физичка дистанца и хигиена се главните борци против епидемијата, а колку е важно проветрувањето и вентилацијата, со кои се растеруваат аеросолите, објаснуваат шпанските експерти.
Засега, здравствените авторитети препознале три преносители на инфекцијата: капки, кои за време на заборување или кашлање може да завршат во уста, нос или во очи на лицата во близина; потоа преку контаминирани површини (иако овој тип на пренос е под прашални, а Европскиот центар за превенција и контрола на болести предупредува дека не е забележан ниту еден случај на инфекција по овој пат) и на крајот, преку аеросоли.
За пример земале едно домашна забава, одделение и кафуле. Во сите три случаи има по едно заболено лице со КОВИД-19 и сознание дека вирусот се пренесува преку аеросоли.
Истражувањето покажува дека без оглед на тоа дали се применува мерката за социјална дистанца, ако шест лица поминат четири часа заедно во разговор, без носење маска во собата и истата не ја проветруваат, петмина ќе се заразат. Во случај да носат маска, бројот на заразени би се намалил на четири кои би можеле да се заразат.
Ризикот од инфекција паѓа на еден, потенцијално заразен дури ако се користат маски, но и ако дружењето се скрати на два часа, со проветрување на просторот. Имено, познато е дека освен низ нос и уста, вирусот се пренесува и преку слузницата на окото. Без вентилација, аеросолите остануваат суспендирани во воздухот и со тек на време стануваат се погусти.
Дека дружењата во кафулиња и ресторани може да се сметаат за високоризични се гледа и од мерките каде се оди на скратување на работното време или целосно се затворени. За пример се наведува дека дури 27 лица се инфицираат во ноќен клуб во кој ќе дојде до продор на вирусот.
Во измисленото кафуле се наоѓаат 15 гости ии тројца членови на семејство. Во варијантата во која се затворени прозорците и нема проветрување и без други мерки, дури 14 лица ќе за заразат со вирусот по само четири часа.
Маските ќе го намалат бројот на заболени на осум, но ако се уфрли елементот на проветрување, времето да се скрати на половина и тогаш ризикот значајно се намалува и ќе заболи само едно лице.
Иако стручњаците сметаат дека училиштата не се голем извор на зараза, односно дека децата потешко го пренесуваат вирусот, факт е дека сепак одреден процент на позитивни пациенти доаѓаат од училиштата, а во Шпанија тој процент изнесува шест. Ситуацијата се секогаш полоша, ако нулти позитивен е наставникот. Ученик потешко ќе зарази ученици, а наставникот погласно и многу повеќе зборува во текот на наставата.
Во просечно одделение од 14 ученици, по два часа со болен наставник, веројатно е дека 12 ученици ќе се заразат.
Носењето маски во оваа одделение веројатно ќе го намали ризикот, така што од наставникот веројатно ќе се заразат петмина ученици. Она што е важно да се напомене е дека комплетно е неважно колку ученикот е оддалечен од наставникот. Бидејќи во ситуација каде се поминува заедничко време, вирусот се шири по целата просторија.Така да, нужно не мора да значи дека ќе се заразат учениците кои седат најблиску до наставникот. Но, ако за време на наставата се остава отворен прозорец, а на секој час време, дополнително се проветрува, наставникот нема никого да зарази.
Во првиот бран на пандемијата, но и во текот на летото, активно не се зборување на проветрувањето на просториите, со оглед дека во летниот период главно сме на отворено. Но, епидемиолозите се повеќе почнаа да го споменуваат проветрувањето како еден од главните елементи за спречување на епидемијата, односно намалување на можноста за ширење на вирусот меѓу населението.
Интересно е и сознанието на стручњаците дека со гласното зборување подолго време, се зголемува ризикот од зараза за дури 50 пати, во однос на тоа кога се молчи.
Оваа анимација секако зборува за тоа дека дисциплината и придржувањето на неколку основни мерки, значајно може да влије на ширењето на заразата, а со тоа и на рестриктивните мерки, кои ако не се почитуваат го одредуваат нашиот живот, движење и економски активности.
