Ангиотензин конвертирачки ензим 2 (ACE2) во мали количини е присутен во срцето, бубрезите и во други органи. Научниците претпоставуваат дека има одредена улога во начинот на кој инфекцијата со КОВИД-19 – респираторна болест предизвикана од коронавирус, продира во белите дробови.
Студијата чии резултати се објавени во медицинското списание European Heart Journal, открива и дека широко препишуваните лекови наречени ACE инхибитори или блокатори на ангитензинските рецептори (ARB) кои често се користат во лекување на затајуваање на срцето, не резултираат со поголема концентрација на АСЕ2 и затоа не би требало да го зголемуваат ризикот од КОВИД-19 кај лицата кои ги користат како редовна терапија.
Лекарите истакнуваат дека болните треба да продолжат со лекувањето на својот досегашен антихипертензивен третман бидејќи не постојат клинички, ниту здравствени докази според кои лекувањето со АСЕ инхибитори треба да се прекине поради инфекција со КОВИД-19.
Овие лекови се препишуваат на пациенти со конгестивно затајување на срцето, дијабетес или бубрежни болести.
“Нашите откритија покажаа дека пациентите со КОВИД-19 не треба да престанат да ги земаат овие лекови“, истакнал Адриан Ворс, професор по кардиологија на Универзитетскиот медицински центар во Холандија, кој ја предводел студијата.
Досегашните податоци упатуваат на тоа дека на инфекцијата со коронавирусот поподложни се мажите од жените, и дека ако тие заболат, посклони се кон развој на потеки компликации.
Анализирајќи ги податоците собрани меѓу заболени припадници на двата пола, тимот на проф. Ворс ја мерел концентрацијата на АСЕ2 во примероците крв земени од над 3500 пациенти со срцево затајување од 11 европски земји. Со оглед дека истражувањето започнало пред избивање на пандемијата со коронавирусот, во студијата не биле вклучени пациенти со КОВИД-19.
Но, кога во состав на друга студија се покажало дека АСЕ2 е клучен за начинот на кој новиот коронавирус продира во клетките, проф. Ворс и неговиот тим воочиле заначјни преклопувања со претходната студија.
“Кога утврдивме дека еден од најсилните биомаркери АСЕ2, мнгу поголем вкај машката популација отколку кај женската, сфативме дека тоа може да појасни зошто мажите почесто од жените заболуваат од КОВИД-19 и подлегнуваат на болеста“, вели д-р Изиа Сама, коавтор на студијата.
Ангиотензинот е молекула која се наоѓа на површината на клетките на белите дробови и е место на спојување на вирусот SARS-CoV-2. Со врзувањето за овој ензим, вирусот е во состојба да влезе во клетката и да ја инфицира. АСЕ2, според Ворс и Сама, освен во белите дробови, присутен е и во срцето, бубрезите, ткивата кои ги обложуваат крвните садови, и особено во високи ниво во тестисите.
