Во пресрет на летото и изгор температури важно е да запомните дека ако сакате да бидете здрави, треба постојано да бидете хидрирани, а овој едноставен тест за три секунди ќе ви покаже дали на вашето тело му недостасува.
Тестот вклучува проверка на кожата – или еластична напнатост на кожата. Имено, ако сте доволно хидрирани, вашата кожа може да ја промени својата форма и веднаш да се врати во првобитната состојба.
Се што треба да направите е да се штипнете на неколку секунди за да видите дали кожата брзо ќе се врати во првобитната положба
Најлесен начин е да ја штипнете кожата на раката, да го задржите стисокот три секунди, а потоа да пуштите. Ако кожата веднаш се врати во нормалната положба, тоа значи дека сте доволно хидрирани. Меѓутоа, ако на вашата кожа и треба момент да се врати во почетната состојба, тоа значи дека не е многу еластична и дека на вашето тело му недостасуваат течности, пишува „Medline Plus“.
Доколку тестот покаже дека сте дехидрирани, не плашете се, веднаш земете доволно течности, јадете соодветно и обезбедете и нега на кожата во форма на лосион.
Имајте на ум дека овој тест не е подеднаков кај млади и стари лица, бидејќи со стареењето нашата кожа ја губи својата еластичност и колаген, па и иако телото е хидрирано, кожата поспоро се враќа во неговата првобитна состојба.
