Водењето сметка за вагината и интимната регија е мошне важно – не заради лична хигиена, која се подразбира, туку заради здрава пХ на кожата, отсуство на бактерии и инфекции. Стручњаците наведуваат дека сепак не треба да се користат купишта препарати и производи.
Студијата објавена во „BMC Women’s Health“ покажала дека 95 проценти од испитаните жени користат марамчиња, спрејови и посебни води за интимната регија. Истовремено тие жени имале три пати поголеми шанси да „закачат“ некаков вагинален проблем, се наведува во студијата.
Откритија
Жените кои користат интимни гелови имаат осум пати поголеми шанси да добијат габична и 20 пати поголеми шанси да добијат бактериска инфекција. Лубрикантите и влажните марамчиња се, исто така, на „црната листа“
Без дополнителни средства
Стручњаците, се наведува уште во студијата, објаснуваат дека вагината е како „самоперачка машина“. Природните механизми веќе постојат за постигнување оптимална пХ вредност, како и баланс кој нема да доведе до инфекции. Кога користиме дополнителни производи и помагала само ја нарушуваме природната форма и рамнотежа на бактериите во оваа зона.
За одржување на хигиената се препорачува обично испирање со млака вода. Само со рака секогаш добро истријте ја надворешноста на вагината и тоа е сосема доволно. Не тријте, не користете сапуни, купки…
