Ако вашата крвна група е О, тогаш бидете сигурни дека сте посебни. Луѓето со крвна група О може да им даваат крв на сите останати групи (во еритроцитите на крвната група 0 нема никаков фактор кој би делувал уништувачки врз туѓата крв), но може да примаат крв само од својата крвна група. Но тоа не е сè што ги прави поинакви од останатите. Тие се посклони кон одредени болести, но имаат и некои моќни особини со кои се истакнуваат меѓу останатата популација.
Лидерство, проактивност, голема количина на енергија и способност секогаш да останат фокусирани се некои од најдобрите квалитети на луѓето со крвна група 0. Исто така, знаат да бидат многу продуктивни. Од друга страна, пак, повеќе се склони кон одредени болести, како што се чиреви, дисфункција на тироидната жлезда, ниско ниво на тироидните хормони и дефицит на јод. Овие дисфункции може да предизвикаат несакани оследици како што се прекумерна телесна тежина и задржување на водата.
Луѓето со крвна група 0 се опишуваат како одговорни, посветени, организирани, фокусирани, совесни и практични. Исто така, се верува дека се побистри и поголеми логичари од другите. Тоа е затоа што нивните предци биле ловци кои требало да набљудуваат и најпрецизно да ја проценат околината за да преживеат.
Во Јапонија крвната група 0 одамна се поврзува со одреден вид на особеност. Таму, на интервју за работа, често ќе ве прашаат која е вашата крвна група
Кога се под стрес, можат да се налутат, да станат хиперактивни и импулсивни. Лошата исхрана, недостаток на вежбање, нездрави навики и склоност кон стрес, ги прават поподложни на штетни метаболички процеси, како што се инсулинска резистенција, забавена активност на тироидната жлезда и дебелина. Исто така, имаат и повисоко ниво на желудочна киселина за разлика од другите крвни групи, поради што често имаат чувствителен стомак, како и склоност кон појава на чир на желудникот.
Луѓето со крвна група 0 треба да одбегнуваат кофеин и алкохол. Кофеинот може да биде особено штетен, бидејќи го зголемува нивото на адреналин, кој веќе е на високо ниво кај луѓето со крвна група 0. Ним им се препорачува физичка активност неколку дена во неделата.
