Медицинските сестри може да одморат: Робот ќе зема крв за анализа

Американските научници од Универзитетот Рутгерс развиле робот дизајниран за земање примероци на крв од пациенти

Роботот користи инфрацрвена светлина и ултразвук за да ги лоцира крвните садови, а потоа, по компјутерската анализа, создава тродимензионална слика на кардиоваскуларниот систем.

По земањето примерок со помош на минијатурна роботска рака, уредот се префрла на анализа со помош на вградена центрифуга и микроскоп, пишува стручното списание „Technology“.

Се проценува дека само во САД се извршуваат повеќе од 2 милијарди вадења на крв, а резултатите од овие тестови влијаат на 80 % од медицинските одлуки во болниците и примарната здравствена заштита.