Не е реткост есенската депресија да е проследена со несоница. Но, со правилен избор на намирници можно е да надмине и оваа современа состојба која се почесто се јавува кај луѓето.
Последниот дневен оброк кој содржи комплексни јаглехидрати, како на пример интегрален леб, пециво, житарки или интегрални крекери ќе го зголемат нивото на серотонин, невротрансмитер кој го поттикнува спиењето.
Благо успивачки ефект ќе засилат и намирници богати со аминокиселината триптофан како мисиркино месо, туна, млеко, јогурт и банана. Опуштачкиот магнезиум и витамините од Б групата секогаш се добродојдени за полесно заспивање.
На сите ни ејасно дека пред спиење треба да се избегнува кафе, поради стимулативниот ефект. Но, будни држат и чоколадата, зрелите сирења и кашкавали, сувомеснати производи и секако алкохолот.
