За да се чувствуваме добро и за да бидеме активни важано е да се погрижиме стопалата да ни бидат здрави. Ако не ги негуваме нема да се наруши само нивниот изглед, туку ќе се соочиме и со болки кои сериозно можат да го нарушат квалитетот на животот. Постојат неколку едноставни совети за нега кои ќе ни помогнат стопалата да ни бидат здрави
Одржувајте ги чисти и суви
Здравјето на стопалата почнува со одржувањето на нивната хигиена. Габичките сакаат влажни стопала, па после бањање добро исушете ги стопалата, особено кожата помеѓу прстите
Направете преглед
Одвреме навреме прегледајте ги стопалата, особено кожата меѓу прстите, дали се лупи, на бојата на ноктите, како и бојата на кожата и појава на ранички, што може да укаже на дијабетес
Правилно сечете ги ноктите
Ноктите се сечат право, избегнувајте да ги сечете близу кожата или под агол бидејќи тоа може да предизвика враснување
Заштитете ги на јавни места
Базени, фитнес сали, хотели…се места каде што многу лесно може да се добие габично заболување, па доколку треба да се туширате, носете водоотпорни обувки
Не позајмувајте обувки
Преку туѓите чорапи или обувки може да се пренесат габични инфекции
Внимавајте да не ви се потат стопалата
На стопалата има многу потни жлезди, а потта е совршен терен за развој на габички. Носете чорапи кои ќе овозможат нозете да останат суви
Не носете тесни чевли
Тесните чевли може да предизвикаат долгорочни проблеми со стопалата, особено враснување на ноктите или жуљеви. Купувајте комотни чевли со округлест врв.
Одете на доктор
Не се обидувајте болката во стопалата или кожните проблеми самите да ги лекувате, туку посетете доктор
