Бројни студии го нагласуваат значењето на појадокот, но и можните последици од прескокнувањето на овој оброк. Имено, истражувањата покажале дека личностите кои не појадуваат се изложени на поголем ризик од кардиоваскуларни болести, гојазност и дијабетес тип 2.
За денот да го почнете здраво и во текот на целиот ден да бидете полни со енергија, би било добро доколку во појадокот вклучите некоја од следните намирници:
Лимонада без шеќер: чаша вода со сок од половина лимон 15 минути пред појадок ќе го активира метаболизмот и ќе го поттикне организмот да ги исфрла штетните материи.
Јајца – благодарение на високото количество на содржани протеини јајцата се одличен избор за појадок. Појадок богат со протеини го стабилизира нивото на глукоза во крвта и ја намалува потребата за грицки во текот на денот.
Леб од интегрално брашно и интегрални житарки – оваа храна обилува со витамини од Б-комплексот и влакна, кои се важни за нашиот систем за варење, помагаат во превенцијата од кардиоваскуларни заболувања и го поттикнуваат слабеењето со тоа што го држат под контрола апетитот.
Јогурт – добар извор на протеини, витамини од Б групата и калциум. Бирајте ги оние кои содржат пробиотски култури.
Овесна каша – овесните снегулки, исто така, се добар извор на протеини и спаѓаат во типот на појадок кој долго ќе не држи сити. Овесната каша изобилува со влакна, витамини од Б-комплексот, магнезиум, железо и калиум.
Банани – богати се со калиум, кој е важен за превенција од срцевите заболувања, додека истовремено содржат и магнезиум и витамин Б6, два нутритиенти кои заеднички го подобруваат расположението и имаат антистрес дејство.
Зрнесто овошје – изобилува со антиоксиданси кои делуваат кардиопротективно и го намалуваат ризикот од дијабетес тип 2.
Кафе – овој ароматичен напиток не само што не расонува, туку претставува и одличен извор на антиоксиданси. Верувале или не, кафето содржи четири пати повеќе антиоксиданси од зелениот чај.
