Долговечноста е нешто кон кое сите, барем потсвесно, се стремиме, а рецептите за нејзино постигнување се меѓу ’најгугланите’ на Интернет. Но што велат научниците?
Научниците од Харвард неодамна завршиле со една од најголемите студии за здравје и долговечност во САД. Цели 34 години ги анализирале животните навики на 27-годишни жени и дошле до заклучок дека клучот за долговечност и виталност лежи во медитеранскиот начин на исхрана.
„Превенцијата има огромно влијание на животниот век и здравјето на луѓето. Докажавме дека медитеранската исхрана богата со свежа храна, овошје и зеленчук, е најздрава. Таа навистина прави чуда за нашиот организам“, порачале научниците кои работеле на истражувањето.
Покрај медитеранската исхрана, многу важна е и физичката активност, а станува збор за најмалку половина час физичка активност дневно
Уживањето во црно вино, исто така, не е исклучено. Чаша квалитетно вино по ручекот или како опуштање во вечерните часови е повеќе од добредојдено.
На крајот, важна е и здравата телесна тежина, како и тоа дали сте или не сте пушач.
Експертите тврдат дека со ваков начин на исхрана и стил на живот на жените (само на нив е спроведено истражувањето) може да се продолжи животниот век за 14 години и значително да се подобри квалитетот на животот.
