Според истражувањето спроведено над половина милион луѓе од Европа се покажало дека личностите кои редовно јадат риба, благодарение на оваа своја навика го намалуваат ризикот од колоректален карцином.
Ова истражување траело 15 години и врз основа на податоците за исхраната на учесниците во истражувањето утврдено е дека личностите кои јадат риба три пати неделно имаат за 12 отсто помал ризик од овој вид карцином.
Авторите на студијата сметаат дека за овој протективен ефект заслужни се омега-3 масните киселини кои имаат карактеристични противвоспалителни својства.
Некои претходни истражувања, пак, покажале дека и масната риба го намалува ризикот од кардиоваскуларни заболувања, предвремено породување, астма, како и дека го подобрува квалитетот на сонот кај децата.
