Иако пролетта стигна, се чини, дека заради студените утра, а повисоките температури во текот на денот, малкумина може да се облечат како што треба, па затоа и многу од нас „шмрчкаат“ со носовите и се жалат на болки во грлото. Од помош во овие ситуации можат да бидат некои од овие три намирници, кои се природни антибиотици.
Луто пиперче
Каен пиперката е важен дел од азиската историја, како во однос на кулинарството така и кога станува збор за традиционалната медицина. Овој мошне едноставен зачин со лут, но дискретен вкус се согласува со многу јадења и десерти, а најчесто се користи сув или во прав. Во кинеската медицина оваа пиперка е ценето средство против болки.
Масло од оригано
Ова магично масло се добива од листовите на билката оригано. Освен што неговиот мирис и арома одлично се согласуваат со бројни јадења, врз база на бројни истражувања, маслото од оригано се смета и за моќен борец против инфекциите за што е заслужна состојката под име карвакрол. Мошне мала доза од ова масло поседува неверојатни антибактериски својства против дури 25 различни видови бактерии.
Лук
Силната арома и мирис на лукот го прават совршен зачин, но тој има уште многу помоќни својства. Лукот е силен, природен антибиотик кој не ги уништува нашите здрави бактерии како што тоа го прават хемиските антибиотици. Лукот го забавува растот на бактериите и успешно ги уништува вирусите и габичките, па е мошне делотворен како средство против настинка и грип.
