Стоматологот Елизабет Милфорд од Австралија вели дека луѓето најчесто прават пет грешки, а една од најчестите е испирање на устата со вода по четкањето.
“Кога нема ја измиете устата со вода, забната паста ќе ја изврши својата работа, ќе ги зацврсти и заштити забите“, вели таа и предупредува дека четкањето веднаш по пиење или јадење на кисела храна, не е пожелно.
“Зависно од тоа што сте изеле, можеби е попаметно малку да се одложи миењето заби. Киселата храна и пијалаците ги омекнуваат забите, а четкањето веднаш по нивното консумирање може да доведе до оштетувања. Одложувањето на миењето дава враме плунката да ја изврши својата функција“, појаснува д-р Милфрод.
Според неа, ова се пет најчести грешки кои луѓето ги прават при миењето заби.
Не ги четкаат забите доволно – Препораката е четкање заби по две минути, два пати дневно, а луѓето во просек тоа го прават за 30 до 60 секунди.
Пресилно миење на забите – Некои мислат дека со посилно стискање на четката, подобро ќе ја завршат работата, но со тоа прават повеќе штета од корист.
Користат стара и истрошена четка за заби – Секои три до четири месеци потребно е да се промени четката, а може и порано ако воочите дека е истрошена.
Ги четкаат забите, а не и непцата – За здрави заби многу се важни џебовите кои се наоѓаат на спојот помеѓу забот и непцето. Тоа се делови од усната шуплина кои никогаш не треба да се изостават.
Ги избегнуваат чувствителните делови – Ако постојат делови од непцата кои се чувствителни и крвават, не треба да се избегнуваат, оти така проблемот нема да исчезне. Ако не се четкаат, тие делови може да се воспалат. Препораката е тие делови два пати дневно нежно да се мијат, и ако во рок од 10 до 14 дена не се реши проблемот, треба да побараат помош од стоматолог.
