Жените кои влегуваат многу рано во менопауза имаат поголем ризик од развој на деменција подоцна во животот, укажуваат резултати од нова студија која обработила подтаоци од 153.291 жена.
Имено се покажало дека ризикот од деменција бил зголемен за 35 проценти кај жените со многу рана менопауза (пред 40. година од животот) во споредба со жените со менопауза на возраст од 50 до 51 година.
Се смета дека свесноста за овој зголемен ризик може да им помогне на жените да практикуваат стратегија за превенција на деменцијата и да работат со својот лекар за внимателно да се следи нивниот когнитивен статус како стареат.
Деменцијата вклучува сериозни промени во мозокот кои ја нарушуваат способноста на лицето да помни, да донесува одлуки и да користи јазик. Алцхајмеровата болест е најчестиот тип на деменција, додека втора по зачестеност е васкуларната деменција, која е резултат на нарушувања на протокот на крв во мозочните клетки предизвикани од мозочни удари или таложење на наслаги во артериите кои го снабдуваат мозокот со крв. И двата типа на деменција се почести со возраста. Болестите кои влијаат на одредени делови од мозокот, исто така, може да доведат до деменција, а едно лице може да има деменција поради повеќе од еден процес на болеста.
