Американската агенција за храна и лекови (FDA), одобрила што побрзо продолжување на истражувањата за Nexvax2, можна вакцина против целијакија.
Nexvax2 е епитоп-специфична имунотерапија (епитоп е дел од антигенот на кој реагираат клетките на имуниот систем), вид на терапевтска вакцина која ги репрограмира Т-клетките одговорни за целијакија, стопирајќи го почетокот на воспалителниот одговор.
“Моментално не постои терапија која ја модифицира оваа болест. Се надеваме дека помагајќи го обновувањето на имуните толеранции кон глутенот, Nexvax2 ќе го подобри квалитетот на живот и ќе спречи сериозни компликации од изложување на глутен кај лицата заболени од целијакија“, вели Лесли Вилијамс, дел од истражувачкиот тим.
Оваа вакцина би се применувала како поткожна инјекција. Досега е завршена фазата 1Б од клиничкото испитување, а моментално се бираат пациенти за глобалната фаза на 2 студијата, околу 150 лица од САД, Нов Зеланд и Австралија. Во таа рандомизирана, двојно слепа и плацебо контролирана студија на возрасни ќе се испитува ефектот на вакцината на симптоми по консумирање на скриен глутен.
