Се вели – „Појадокот изеди го сам, ручекот подели го со пријателот, а вечерата дај му ја на непријателот“ – и не случајно. Така е затоа што појадокот е најважниот оброк во денот. Факт е дека тој треба да биде здрав и полн со нутритиенти кои ќе ви дадат доволно енергија за претстојните обврски во текот на денот.
Докторите и нутриционистите за одличен почеток на денот советуваат оброк кој содржи овес – намирница која ќе направи да се чувствувате подобро, но и да изгледате подобро, затоа што содржи изобилство на витамини и минерали кои се неопходни за организмот. На пример, цинкот ја прави кожата поубава, железото е еден од најважните нутритивни елементи… Полн е со антиоксиданти. Заситува и го одржува нормално нивото на шеќер во крвта. Го подобрува метаболизмот и штити од таложење на масти и токсини во телото…
Зарем не наброивме доволно причини?! И да, ако ви здодевно секојдневно да појадувате овесна каша, видеото носи и неколку вкусни рецепти кои ќе го претворат вашиот појадок во превкусен оброк. Пробајте!
