Научниците со новите сознанија го сместија имуниот систем во центар на контрола на бременоста. Во неодамна објавено истражување на група научници од Универзитет Стенфорд во Калифорнија направиле модел според кој човечките клетки на имунитетот се однесуваат во текот на нормална бременост.
Имено, до сега се сметало дека процесот на работа на имуниот систем во бременоста е сличен на работата на имунитетот при трансплантација на органи. Поради присутноста на клетки на имунитетот на мајката во близина на местото на имплантација на ембрионот, се дошло до заклучок дека мајчиниот имунитет мора да биде супримиран во текот на бременоста за да не дојде со исфрлање на плодот.
Според наведената теприја, клетките на имунитетот на мајката во близина на местото на имплантација заедно се борат со туѓите клетки кои настојуваат да го супримираат мајчиниот имунитет. Доколку победат клетките на ембрионот, ембрионот успешно ќе се имплантира. Во спротивно доаѓа до спонтан абортус или предвремено породување.
Меѓутоа, новите сознанија укаужуваат дека оваа теорија не е точна. Имено, се покажало дека присутноста на мајчините клетки на имунитетот не е реакција на мајчиниот организам на страно тело, туку неопходен дел за успешна имплантација.
Исто така, новите докази укажуваат дека мајчиниот имунитет и имунитетот на ембрионот се во меѓусебна спрега за време на целата бременост, а токму тоа е една од клучните ставки за успешна бременост.
При имплантацијата, клетките на ембрионот вршат активна инвазија на грлото на матката, а при тоа во матката доаѓа до воспалителни реакции, слично на реакциите кои се јавуваат во текот на зараснување на рани. Кога би се изоставило воспалението во матката, имплантацијата не би можела успешно да се одвива што ја нагласува важноста на воспалителните клетки и молекули во овој процес.
Воспалителната состојба доминира првите 12 недели од бременоста додека во следните 15 недели додека фетусот интензивно расте и се развива, владее противвоспалителна состојба.
Одредени клетки на фетусот произведуваат антигени од татково потекло кои во нормални услови би го нападнале имунитетот на мајката како страно тело. Но, во бременоста се јавуваат специјални Т-клетки кои активно ги штитат клетките на фетусот и создаваат противвоспалително опкружување. Ниското ниво на овие специјални Т-клетки се доведува во релација со спонтаните абортуси.
Непосредно пред терминот на породување, во организмот на мајката повторно се јавува воспалителна состојба без која не може да почне породувањето. Се смета дека неадекватниот имунолошки одговор може да биде виновник и за предвременото породување.
