Ако после тренинг или кога ќе се испотите долго останувате во испотената облека, може да дојде до сериозни иритации на кожата, како и појава на модрици и гребаници – ете од каде се појавуваат по кожата во случај да не можете да се сетите од каде дошле. Тоа може да доведе и до развој на габични и бактериски инфекции. Доколку некогаш баш и немате време да се истуширате, обавезно преслечете се!
Според едно истражување – четири од пет жени не се тушираат секој ден! Тоа не е добро за кожата, па затоа послушајте го советот на докторката Холи Филипс. Кога станува збор за тренирањето таа советува дека никогаш не треба да го прескокнувате капењето, но што е со косата?
„Ако косата не ја измиете на секои два или три дена на неа неизбежно ќе се наталожат маснотија и нечистотија, вели стилистот Џорџ Рајлендер и додава дека таквата коса добива непријатен мирис и грд изглед. Дали сте знаеле дека прескокнувањето на миењето на косата предизвикува нејзино замрсување и брзо цветање на краевите?!
Прифатливото време меѓу две миења на косата, секако, е индивидуално и зависи од типот на коса, но се преку 5 дена е многу. Од друга страна, ако заспиете со шминка понекогаш тоа нема да има штетни последици, освен таложење на мртви клетки на кожата, објаснува Адријана Мартино, доктор по естетска и ласерска хирургија и додава: Ако практикувате спиење со шминка малку почесто, или редовно, не се чудете ако кожата пред време ви остари. Тоа се случува затоа што заради шминката кожата не може да се опорави и да изгради нови клетки, а да ги отфрли мртвите, заради што се појавуваат брчки и кожата станува потемна.
Навечер кожата активно се обновува, а ако тогаш ги затворите порите мошне веројатно е дека наскоро ќе забележите митесери и гнојни мозолчиња. Маскарата можеби не ви изгледа опасно, затоа што се нанесува само на трепките, но спиењето со неа има ужасни последици – можете да останете без трепки!
