Сепак, постојат ситуации кои не треба да се игнорираат, затоа што здравјето може сериозно да биде загрозено. Иако некои од нив делуваат безопасно, потребно е да се знае кои тегоби и симптоми треба да се сфатат сериозно и кога да се појде на лекар.
Глас
Доколку рапавиот глас трае подолго од три недели, тоа може да биде знак за враќање на киселина од желудникот до хранопроводот, што потоа го иритира грлото. Рапавиот глас може да биде и ран симптом за рак на грлото.
Трнење
Чувството како некој да ве боцка со игли по едната рака, кое трае подолго од половина час и е проследено со вртоглавица или мачнина, може да е симптом за срцев удар.
Главоболка
Силна главоболка, која се јавува одненадеж, може да е знак за крвавење во мозокот, пукање крвни садови, мозочен удар или менингитис.
Потење
Освен ако не сте во менопауза, ненадејното и претерано потење во текот на ноќта не е нормална појава и може да е симптом за рак на црева, лимфом или леукемија.
Вилица
Кога доаѓа до инфаркт не секогаш се јавува болка во градите. Во некои случаи симптом може да се болката во вилицата и вратот, заедно со мачнина и умор.
Модринки
Модринките се потполно безопасни во повеќето случаи, но ако лесно се создаваат и не можете да ги поврзете со ништо може да се знак за недостаток на витамини К или Ц, леукемија и болест на црниот дроб.
Нокти
Сините нијанси на ноктите може да покажат дека немате доволно кислород или дека имате проблеми со срцето или белите дробови. Од друга страна, бледите нокти се поврзуваат со анемија, срцеви проблеми или болести на црниот дроб.
Светлина
Ако чудна светлина ви се јавува ненадејно пред очи, би требало што поскоро да појдете на офталмолог. Можно е да постои оштетување на мрежницата и доколку не се реагира на време може да дојде до трајно губење на видот.
Отоци
Потечени усни понекогаш се знак за анафилактичен шок, најсмртоносна алергиска реакција. Заради тоа што отекувањето на усните и јазикот може да ги затвори дишните патишта, треба веднаш да се повика итна помош.
Ракопис
Промената на ракописот може да е знак за невролошки проблем, како Алцхајмерова или Паркинсонова болест, па дури и тумор на мозок.
Апетит
Губењето апетит може да е ран знак на рак на јајници, особено ако уште се јавува и надуеност, болка во карлицата и проблеми со бешиката.
Кашлица
Ако постојано кашлате во текот на ноќта, а притоа не се опоравувате од некоја настинка и немате астма, кашлицата во текот на ноќта може да биде ран знак за срцеви проблеми. Можно е течност да се насобира во белите дробови, а кога лежите подолго време тоа ве иритира да кашлате.
Говор
Отежнатиот говор или „мешањето“ на зборовите може да биде знак за мозочен удар. Освен тоа симптомите кои можат да се јават се „паѓање“ на едната страна на лицето, вкочанетост на едната страна од телото и силна главоболка.
Папок
Доколку болката во папокот не престанува и после неколкиу часа, тоа може да е знак за слепо црево, воспаление на жолчката, опструкција на цревата или чир.
