Таканаречениот добар холестерол во телото, може да биде и подобар отколку што мислиме. Имено, ново истражување на американските научници од Вашингтон на Универзитетската школа за медицина, сугерира дека посебен вид на ХДЛ – липопротеини со висока густина, има улога во заштита на црниот дроб од повреди. Се покажало дека ХДЛ го штти црниот дроб, блокирајќи ги воспалителните сигнали што ги произведуваат вообичаените цревни бактерии.
ХДЛ – липопротеини со голема густина, се молекули кои циркулираат низ крвта и го отстрануваат вишокот холестерол од крвта и ткивата, враќајќи го во црниот дроб, каде повторно може да биде инкорпориран во ЛДЛ, липопротеини со мала густина. На овој начин се намалува таложењето холестерол на ѕидовите од крвните садови како и ризикот за развој на кардиоваскуларни болести, поради што ХДЛ холестеролот се нарекува добар холестерол.
Во ова истражување, научниците идентификувале посебен вид на ХДЛ, наречен HDL3, кој кога се произведува во цревата, ги блокира сигналите на цревните бактерии кои предизвикуваат воспаление на црниот дроб. Ако не се блокирани, овие бактериски сигнали патуваат од цревата во црниот дроб, каде ги активираат имуните клетки кои поттикнуваст воспалителна состојба, што доведува до оштетувања на црниот дроб.
Треба да се напомене дека елементи на цревниот микробиом може да покренат и поттикнат болести на црниот дроб, вклучувајќи замастен црн дроб и фиброза на црниот дроб.
Се смета дека HDL3 може да послужи како мета во идните терапии за болестите на црниот дроб.
