Целта на Симпозиумот беше плодна размена на мислења, искуства и визии во врска со опфатените теми од областа на медицината и нејзините дисциплини. Целна публика беа лекарите од сите нивоа на здравствена заштита, како и сите специјалности од медицинските науки кои се занимаваат со дијагностика и лекување на популацијата.
Овој Симпозиум е специфичен со оглед на тоа дека ги интегрира сите лекари кои се занимаваат со медицинска дејност од регионот, а учество во него замаа лекари од земјава, Албанија, Косово, Црна Гора, Србија и Хрватска. Учествуваа 700 лекари и еминенти предавачи од Македонија и странство од сите нивоа на даватели на здравствена дејност, како и од неколку медицински факултети, со 84 научни трудови во пленарни предавања од глобалните теми, презентација на најновите достигнувања во дијагностиката и лекувањето, пленарни сателитски симпозиуми, како и изложбен простор на фармацевтските компании, како и паралелни работилници.
