Ако имате дете кое е во градинка, тогаш веројатно сте запознаени со поимот “розево око“. Станува збор за вирусен конјуктивитис, најраспространета заразна инфекција на очите која, во повеќето случаи, по некое време спонтано се повлекува. Но, постојат и такви видови на очни инфекции кои може да предизвикаат трајно оштетување и бараат моментална лекарска интервенција.
НАЈЧЕСТИ ИНФЕКЦИИ НА ОЧИТЕ
Доколку се работи за бактериска инфекција, лекарот ќе ви препише антибиотски капки за очи.
Воспалението на краевите на очниот капак (блефаритис) може да биде предизвикано од бактериска инфекција. Иако не влијае на видот, може да биде приличино непријатна состојба.
Воспалението на очната шареница (иритис) може да биде акутно и хронично. Акутниот иритис може спонтано да се повлече во неколку недели, а со терапијата лекувањето е многу побрзо.
Хроничниот иритис може да биде присутен со месеци или години пред опоравувањето, оти не реагира така добро да терапијата како акутниот. Исто така е проследен со голем ризик од тешко оштетување на видот.
Кератитисот е инфекција на рожницата, бистрата заштитна обвивка и шареницата. Заразниот кератитис може да го предизвикаат бактерии, вируси, паразити и габички. Ако не се лекува, може да предизвика трајно оштетување на видот.
Ендофталмитис е воспаление кое веројатно настанува поради бактериска или габична инфекција и ги зафаќа сите внатрешни слоеви на окото, стаклестата водичка и белоочницата. Причина за инфекцијата може да биде убодна рана на окото, хируршки зафат или бактерии кои во окото стигнале преку крв. Симптомите, често тешки, вклучуваат болка, црвенило на белоочницата, многу силна чувствителност на светлина и губење на видот. Ендофталмитисот е итна медицинска состојба. Лекувањето мора да започне веднаш, доцнењето од само неколку часа може да доведе до слепило.
КАКО НАСТАНУВААТ ИНФЕКЦИИТЕ?
- Честа причина за очните инфекции е нанесувањето на контаминирани контактни леќи. Ако во контактната леќа или куќиштето се најдат бактерии, тие ќе се прошират и на окото, веднаш штом леќата го допре окото. Исто така, може да се развие инфекција и од прекумерно носење на леќите, што предизвикува воспаление кое може да предизвика размножување на бактерии.
- До инфекција на очите може да дојде и низ контакт со инфицирана вода. Тоа може да биде вода од базен, туш или вода за миење на контатни леќи. До инфекција на очите како конјуктивитис, може да се дојде и ако бидете во контакт со некој кој има инфекција.
КОИ СЕ ЗНАЦИ НА ОЧНА ИНФЕКЦИЈА?
- Воденести или суви очи
- Исцедок од окото
- Црвенило и оток
- Чешање
- Печење
- Болка
- Чувствителност на светлина
- Замаглен или ослабен вид (итна состојба)
- “Облак“ над рожницата (итна состојба)
