Група австралиски научници веруваат дека се близу откритието благодарение на кое би можеле да јадеме се што ќе посакаме, а при тоа да не се дебелиме. Имено, се покажало дека глувците одгледани без генот RCAN1, не се здебелиле иако јаделе мошне масна и калорична храна.
Со оглед на тоа дека и луѓето го имаат овој ген научниците се надеваат дека истиот иновативен пристап би можел да функционира и кај луѓето со прекумерна тежина.
На глувците за време на истражувањето им била давана различна храна од која се дебели, а со блокирање на генот RCAN1 се потпомогнало претворањето на нездравите бели масти во поздрави, велат научниците.
Таблетата која би го блокирала генот RCAN1 би им овозможила на луѓето да согорат повеќе калории и тоа додека мируваат, а не би влијаела на апетитот – е уште едно од низата тврдења на групата австралиски научници која работела на ова истражување.
