Многу жени веруваат дека првите знаци на стареење се појавуваат на лицето и на вратот, па посветуваат посебна грижа за спречување на појавата на брчки токму на овие делови од телото. Но научно е докажано дека ниту лицето ниту вратот не стареат најбрзо, туку – градите!
Истражувањето објавено во магазинот „Journal Genome Biology“ утврдило дека чувствителното и тенко ткиво на градите е најподложно на знаците на стареење
Градите секојдневно се изложени на бројни фактори кои можат да го поттикнат стареењето и да предизвикаат виснатост на градите. Пред сè, промените во големината на градите по губење или добивање на килограми или бременоста предизвикуваат растегнување на кожата и ткивото што ја намалува еластичноста на кожата. Секојдневната нега на кожата со хидратантни креми (како што го негуваме лицето) може да помогне во забавување на овој процес.
Втор голем непријател на градите е сонцето кое значително го забрзува стареењето на овој дел од телото и предизвикува кожата да ја изгуби еластичноста. Во прилог на тоа се и модерните костими за капење со длабок Ве-изрез, кои ја изложуваат кожата на штетните сончеви зраци.
Се на се, дневната рутина за нега на кожата не ограничувајте ја само на лицето и вратот – проширете ја на градите и деколтето за да ги забавите првите знаци на стареење.
