Секоја диета подразбира откажување од одреден вид на храна, особено од калоричните јаглехидрати и масти кои најмногу дебелеат. Но, добрата вест е дека постои ситуација во која можете да ја измамите диетата, а да не го расипете процесот на губење на тежината.
Од омилените јаглехидрати и масти, како што се печива, бели тестенини, сладолед и путер не мора целосно да се откажете ако сте на диета. Имено, постои одредено време во денот кога можете да се почестите со вашата омилена храна, а тоа да не ви го расипе слабеењето
Најдобро време да јадете јаглехидрати е за време на појадокот, додека мастите нема да ви наштетат на линијата ако ги консумирате во 10 часот наутро. На тој начин, организмот има доволно време во текот на денот да ги потроши внесените калории.
Ако сакате да ослабете и да ја одржите саканата тежина, добро е оброците да ги јадете во одредено време од денот. Појадокот би требало да го јадете еден час по будењето, ручекот околу 4 и пол часа подоцна, а неколку часа подоцна и вечерата.
Ако правите преголеми паузи помеѓу оброците, ќе бидете гладни, а колку сте погладни, толку се поголеми шансите да ја расипете диетата и да изедете нешто нездраво и калорично.
Бидете сигурни дека и вечерата ќе ја јадете најмалку три часа пред спиење, за да не заминете во кревет со стомак полн непреработена храна.
