Истражувањето кое го спровеле истражувачи од Универзитетот Колумбија следеле 2287 испитаници во период од 10 години. Околу 50 % од испитаниците имале вишок килограми, а од нив околу 22 % биле претерано дебели. Во групата на испитаници кои соопштиле дека никогаш не ручале со семејството 60 % биле со вишок килограми, а 29 % биле изразено дебели. Во целина, секое јадење заедно со семејството, дури и ако тоа било само еден до два оброка неделно во текот на пубертетот, било поврзано со значајно намалување на веројатноста дека детето подоцна во животот ќе има вишок килограми, во споредба со децата кои никогаш не седнувале да јадат со фамилијата.
Истражувачите препоставуваат дека за ова може да се одговорни две причини.
Прво, семејниот оброк се разликува од храната која се јаде надвор од дома, по правило содржи овошје, зеленчук, интегрални житарки и воопшто е поквалитетен и поздрав во однос на оној подготвен во ресторан или сендвичарница.
Второ, доколку и родителите се хранат поздраво за време на семејните оброци децата може тоа да го забележат и да ја прифатат таа навика. Трето, семејното собирање за време на оброкот може да делува превентивно против дебелината затоа што создава прилика членовите на семејството да воспостават емоционални врски, што е, исто така, заштитен фактор против тоа да емоционалните проблеми да се решаваат со храна.
