Високата температура е начин на кој телото вели дека нешто не е во ред. Температурата расте затоа што телото се обидува да се избори против вирусите, бактериите или некој друг проблем. Зголемена температура е онаа повисока од 37 степени. Кај возрасните лица ако температурата е повисока од 40 степени тоа значи дека треба ВЕДНАШ да појдат на лекар, односно да побараат лекарска помош.
Вода – треба да се пие многу вода затоа што таа ги надоместува загубените течности и помага во ладењето на организмот.
Туширање – не се препорачува туширање со ладна вода, туку со млака. Почнете со потопла, па полека ладете ја водата додека не дојдете до подносливо млака.
Сокови – антиоксидантите и витамините кои ги има во овошјето и зеленчукот го јакнат имунитетот и му помагаат на телото да се бори против температурата. Чаша сок од кајсија со лажица мед успешно ја намалува покачената температура. Овој сок треба да се пие разладен. Сокот од цвекло и јаболко, исто така, е одличен. А помага и сокот од грејпфрут. Разредете половина чаша сок од свежо исцеден грејпфрут со исто количество вода. Грејпфрутот можете да го замените и со портокал.
Компир – излупете компир, исечете го на тркалца и ставете го во чорапите така да се прекриваат табаните. Познато е дека компирот ја извлекува температурата од телото.
Облоги – ладните облоги можат да бидат од голема помош. Откако ќе се загреат, заменете ги со нови, ладни.
Облога од оцет – во сад сипете 500 мл вода и додадете лажица природен јаболков оцет. Натопете мал пешкир или меко ленено или памучно платно, исцедете го и ставете на стапалата, рацете и челото. Нека стои се додека не се загрее до температурата на телото.
Свежа зелка – направете облоги од листови свежа зелка и ставете ги на грбот и градите. Мирувајте и температурата ќе падне.
Супа – млака супа помага во намалувањето на температурата, а и го хидрира организмот. За уште подобро дејство во супата додадете босилек и забрзајте го процесот на оздравување.
Чили – освен што е вкусна, лутата храна помага и во намалувањето на температурата. Храната која содржи чили предизвикува потење, а тоа е природен процес на ладење на телото.
Масирање со ракија – можете да употребите домашна, лута ракија и со неа да ги масирате пулсните места на телото, како што се зглобовите, над дланките, превоите на подлактиците и јамичките зад колената. Измасирајте ја површината и на дланките и стапалата. Алкохолот ја „извлекува“ температурата од организмот.
