Треба ли да се плашите: Што се случува со телото кога ќе голтнете гума за џвакање?

Останува ли во желудникот со денови? Или со години? Боли ли стомакот токму поради неа? Цело детство сме слушале многу приказни поврзани со гумата за џвакање и она што се случува. Но, има ли вистина во нив? Може ли обична гума за џвакање да направи големи проблеми во желудникот?

Еден Јутуб канал одлучил да се позанимава со ова прашање и да дознае дали се вари гумата за џвакање во желудникот. Во видеото е објаснето од кои се состојки е направена гумата за џвакање и што од тоа е разградливо.

Додека желудочните киселини без проблеми може да ги разгради сите останати состојки, самата гумена база (која може да биде природна или синтетичка) не можат, поради што таа и не се распаѓа во устата, туку може да се џвака до кога сакаме.Сепак, тоа не значи дека поради тоа останува во желудникот – едноставно во него доаѓа во слична форма и го продолжува патот до исфрлање од организмот.

Гумите за џвакање не е препорачливо да се голтаат, бидејќи може да ја забават дигестијата и не се наменети за тоа, но ако некогаш ви се случило да ја голтнете, гумата за џвакање нема да направи никакви проблеми со желудникот.