Според научникот Гордон Шепард од Универзитетот Јеил, вкусот на виното го стимулира мозокот многу повеќе отколку, на пример, музиката или решавањето математички задачи.
Кога дегустирате вино, но професионално, тоа е малку покомплицирано отколку само да го голтнете виното додека пиете со вашите пријатели. Дегустацијата на вино е комплексна активност. Треба малку да го провртите низ устата со помош на јазикот, а на моторно ниво, тоа за телото е многу сложено, велат експертите.
Мозокот создава вкус
Додека молекулите го стимулираат вкусот и рецепторите за мирис, мозокот извршува многу тешка „вежба“ за да ги препознае сите овие сигнали. Всушност, Гордон Шепард тврди дека ова вклучува многу поголема активност на мозокот од која било друга човечка активност.
Во што е работата? Кога ќе земете голтка вино во устата, мозокот мора да се потруди за да ги создаде сите тие вкусови и мириси кои се во него. Ситуацијата е слична и со боите што ги гледаме секој ден. Молекулите во виното немаат вкус, но кога го стимулираат мозокот, тој го произведува, исто како и боите, објасни научникот.
