Доктор од Бразил пронајде начин како да ги подготви и опушти идните мајки кои се наоѓаат пред самиот чин на породување. Познат како „разиграниот доктор“ д-р Фернандо Гудес да Цунха има суперметод за релаксирање на трудниците.
Дали ќе биде се во ред, дали ќе боли, како ќе се заврши – се прашања кои не им даваат мир на идните мајки, вртејќи им се низ главата во последните моменти пред самото породување. „Лекот“ за опуштање го има бразилскиот доктор кој со помош на танцот ги релаксира загрижените трудници.
Д-р Фернандо Гудес да Цунха, познат како „разиграниот доктор“, на својот профил на Инстаграм објавува снимки на кои ги тресе колковите и ужива да танцува со жени кои само што не почнале да се пораѓаат. Тие секогаш танцуваат на музика од најголемите хитови, како што е, на пример, „Деспасито“.
За многу жени, раѓањето е едно од најубавите, но истовремено и најстресни искуства во животот, особено кога ќе почнат породилните болки
Да биде појасно, д-р Гудес де Цунха не танцува само поради забава. Истражувањата покажаа дека движењата за време на породилните болки го олеснуваат самиот чин на раѓање. „Танц, шетање, активности со топка и чучневи се дел од вертикализацијата на пациентот, што во голема мера ги афектира породилните болки“, вели докторот.
Многу од неговите танцувачки рутини вклучуваат чучневи, нишање со колковите и вртење. Болницата „Unimed Vitoria“, на чија Фејсбук страница стои едно од споменатите видеа, пишува дека движењето додека жената има породилни болки придонесува за опуштање и полесно породување. Просечно породувањето трае околу осум часа, но многу студии докажаа дека со танцови движења може да трае многу пократко и да биде безболно. „Детето треба да се движи низ каналот за раѓање, па затоа кога мајката се движи, таа на некој начин му помага на детето полесно да го најде својот пат“, објасни д-р Регина Каплан, гинеколог.
